(المركب بتغرق يا قبطان) سفينة السلام المصرية الغارقة 2006 ({ Egyptian- Al-Salam 98

حسبنا الله ونعم الوكيل

تسجل الصندوق الأسود للعبارة السلام 98
أو عبارة الموت بدون حساب
راح فيها ألف واحد للعالم الآخر
وبعد كده تم التصريح أنهم لن يسمحوا لعبارة مخرومة أنها تشتغل تاني!! :?: :!:
حسبنا الله ونعم الوكيل

دى اخر 3 دقايق فى الصندوق الاسود للعبارة السلام
النـص الكـامل للتسجيــل فيديو وكتابة منقول مع التصحيح

كتابة:
الكتابة منقولة بتصرف وتصحيح يسير

صوت القبطان: ممكن تشوف فيه "سكعة" جاية من جنب يمين زيادة.. وصلنا 18 درجة
صوت القبطان: شوف كده هل فيه حاجة في الجنب يمين بتدخّل مية
لحظات سكون مع صوت صفارة في الخلفية
صوت لاسلكي: لا مفيش حاجة يا قبطان مفيش حاجة في الجنب يمين
صوت القبطان: طيب أومال إيه ؟ ده ده الطرمبة شغاله والـ واااا و"المـَـلص" بيتملي ومعملتش أي حاجة.. "السكعة" بتزيد
صوت مساعد القبطان: ..... المية في الصراف اليمين ....حد يشوف
صوت القبطان: طيب شوف هل المية بتزيد في جنب يمين ولا إيه ؟
صوت لاسلكي: بنحاول
لحظات سكون مع صوت صفارة في الخلفية
صوت مساعد القبطان: مفيش حاجة إسمها بتحاولوا مفيش حاجة إسمها هنشوف
صوت القبطان: حاولوا طب تشوفوا "المـَـلص" احنا نزلنا عشرين درجة دلوقتي يا جماعة.. المركب هتقلب
صوت مساعد القبطان: كل واحد مكانه في مكانه واحد بيتكلم يرد علينا بيريّحنا
لحظات سكون مع صوت صفارة في الخلفية
صوت القبطان: أرجوك يااا يا شيفـ يااا فيرست شوفلنا حاجة للمية لاحسن المركب "بتسكع" 20 درجة دلوقتي
صوت القبطان: تعالى علي اليمين كده واحدة واحدة
صوت مساعد القبطان: هنروح فين يمين....... يكمّل الرد بصوت ضعيف غير مسموع
صوت القبطان: أنا عايز أقول يمكن
صوت مساعد القبطان: لأ............. يكمّل الرد بصوت غير مسموع
صوت القبطان: أصل الريح في اليمين يعني بدل ما هو... جايز هو مقصر معانا.. لو نيجي بعلُوّ شوية
صوت مساعد القبطان: خطر يا قبطان
صوت مساعد القبطان: لازم يا قبطان تستحملوا شوية
يبدأ الرعب في المركب ويبدأ الركاب في الصراخ وفي التخبيط على باب الحجرة
صوت مساعد القبطان: هَدّي الناس.. هدّي الناس.. هدّي الناااااس
صوت القبطان: كلمولنا الـ ... يعني مش عارفين يعملوا "المـَـلص" أنا مش قادر أفهم برضه يعني
صوت أشياء تسقط نتيجة للميل الكبير في المركب
صوت مساعد 2: السكعة دلوقتي 25 يا قبطان
تبدأ أصوات الصفارات المتقطعة في البدء منبهة ان هناك خطر جسيم
صوت مساعد 2: الوضع خطر جداً يا قبطان دلوقتي
صوت القبطان: نقطة ضباء.. نقطة ضباء.. نقطة ضباء
تستمر الأشياء في السقوط وتتعالى أصوات الركاب والصراخ يملأ المكان
صوت مساعد 2: المركب بتغرق يا قبطان
صوت القبطان: أطلب ضومان
صوت مساعد 2: النـــاس
أنا هأقف هنا عند الصوت ده، صوته خلاّني أبكي، إفتكر مسئوليته، الوحيد اللي إفتكر الناس في اللحظة دي
لمّا هتسمعه الصوت هتحسّوا إنه خايف فعلاً، صوته مرعب.. صوت النفس بتاعه خلى جسمي يقشعر.. تخيلت نفسي مكانه، تخيلت نفسي شايف اللي هو شايفه، ناس بتغرق ناس بتجري ناس بتصرخ.. لحظة مميتة.. والظلام والبرد والبحر من كل اتجاه بالخارج يرسم صورة مرعبة للمصير الأخير
صوت القبطان: كله شمال
صوت مساعد 2: كله شمال
صوت مساعد 2: المركب بتغرق.. المركب بتغرق يا قبطان
صوت القبطان: نقطة ضباء
صوت مساعد 2: الناس
صوت القبطان: كله شمال
صوت مساعد 2: كله شمال
صوت مساعد 2: المركب بتغرق يا قبطان
صوت القبطان: كله شمال
صوت القبطان: كله شمال
صوت القبطان: كله شمال
صوت مساعد 2: المركب غـرقت يا قبطان
صوت الركاب يظهر من الخارج: لا حول ولا قوة الإ بالله.. لا حول ولا قوة الإ بالله
صوت مساعد 3: أشهد أن لا إله الإ الله ... وأشهد أن محمداً رسول الله
صوت مساعد 2: المركب غـَرقت يا قبطان
صوت القبطان: إستنّونا بس يا جماعة
صوت مساعد 2: إستنونا إيه يا قبطان المركب غـَرقت
صوت مساعد 2: مفيش لايف جاكيت هنا يا جماعة... أي لايف جاكيت
.......صوت القبطان: هاتوا لنا
انتهى التسجيل وانتهت معـه ألـف حيـاة :!:
لكن الله محيط بعلمه وسيقتص لكل واحد فيهم
وهو حسبهم ونعم الوكيل
-

-لقاء مع أحد الناجين:ـــ
https://www.youtube.com/watch?v=3q4vph9X37s&list=PLBF80050343E51228

وحسبنا الله ونعم الوكيل
-

بحث هذه المدونة الإلكترونية

تحويل السيارات للعمل بالغاز الطبيعي بدلاً من البنزين (شرح مبسط ودراسة جدوى وتقرير مصور) | Convert cars from gasoline to natural gas CNG NGV

الصفحات

(المركب بتغرق يا قبطان) سفينة السلام المصرية الغارقة 2006 ({ Egyptian- Al-Salam 98 - sunken ship in 2006 })

تعليقات

إرسال تعليق